Dopty hokkeı: Oraldyń «Aqjaıyǵy» óz aıdynyndaǵy kezekti jeńisine qol jetkizdi
ORAL. QazAqparat - Senbi kúni dopty hokkeıden Reseı chempıonaty joǵary lıgasynyń ekinshi tobynda óner kórsetetin Oraldyń «Aqjaıyǵy» «Stenovık» stadıonynda Ekaterınbýrgtyń «SKA-Sverdlovsk» komandasyn qabyldap, 4:2 esebimen jeńiske jetti, dep habarlaıdy «QazAqparat» HAA tilshisi.
Oıynnyń 14-mınýtynda oraldyq Petr Grıbanov esep ashsa, ekinshi taımda reseılik legıoner Sergeı Gavrılov 2:0-ge jetkizdi. Budan keıin qonaqtardyń kapıtany Sergeı Alekseıkın esepti qysqartqanymen, «Aqjaıyqtyń» surmergeni Sergeı Bashaev eki goldyń avtory atandy. Meımandardyń (Evgenıı Bykov) oıyn sońyna taman esepti qysqartýǵa ǵana shamasy keldi.
Jeksenbi kúni qos komanda ekinshi kezdesýin ótkizedi.
Osymen óz aıdynynda jetinshi márte qatarynan jeńiske jetken «Aqjaıyq» 31 upaımen burynǵysynsha óz tobynda ekinshi orynda keledi.
