Dopty hokkeı: Oraldyń «Aqjaıyǵy» óz aıdynynda jeńiske jetti
ORAL. QazAqparat - Dopty hokkeıden joǵary lıga komandalary arasynda búkil reseılik jarystyń ekinshi tobynda oınaıtyn «Aqjaıyq» búgin «Dınamo-Qazan-2» (Qazan) komandasyn qabyldady, dep habarlaıdy QazAqparat tilshisi.
Bul jergilikti maman Nıkolaı Shavaldın jattyqtyratyn oraldyq hokkeıshilerdiń «Jastar» stadıonyndaǵy jańa maýsymdaǵy alǵashqy matchy edi.
Birinshi taımda aıdyn ıeleri 1:0 esebimen basymdylyq tanytsa, ekinshi kezeńde qarqynyn údete tústi. Qorytyndy esep - 5:1.
Osylaısha «Aqjaıyq» 2018-2019 jylǵy maýsymdaǵy alǵashqy jeńisine qol jetkizdi. Qazirgi kezde 3 upaımen oraldyqtar ekinshi topta altynshy orynda keledi.
Erteń qos komanda ekinshi kezdesýin ótkizedi.
Eske sala keteıik, budan buryn Petropavlda ótken QR kýbogy jarysynda «Aqjaıyq» hokkeıshileriniń jeńimpaz atanǵanyn jazǵan bolatynbyz.
