Dopty hokkeı: Oraldyń «Aqjaıyǵy» Orynbordyń «Lokomotıvin» eki kezdesýinde de jeńdi
ORAL. QazAqparat - Dopty hokkeıden Reseı chempıonaty joǵary lıgasynyń ekinshi tobynda óner kórsetetin Oraldyń «Aqjaıyǵy» Orynbordyń «Lokomotıvimen» ótken óz aıdynyndaǵy eki kezdesýinde de jeńiske jetti, dep habarlaıdy «QazAqparat» HAA tilshisi.
Keshe «Stenovık» stadıonynda reseılik maman Vladımır Kojevnıkov jattyqtyratyn oraldyqtar óziniń basty qarsylastarynyń birin bet qaratpaı, 7:1 esebimen utty. Bul oıynda komandanyń surmergeni, reseılik Sergeı Bashaev tórt doptyń avtory atandy. Taǵy bir reseılik Sergeı Gavrılov «Lokomotıv» qaqpasyna eki gol salsa, komanda kapıtany Maksım Ótebalıev te aıdynnan qur ketken joq.
Keshegi matchqa qaraǵanda, búgingi báseke áldeqaıda shıelenisti boldy. Degenmen «Aqjaıyq» 4:3 esebimen tarazy basyn ózderine aýdara bildi.
Sóıtip 22 upaı jınaǵan batysqazaqstandyqtar týrnır kestesinde úshinshi orynǵa kóterildi. Olar kelesi kezdesýlerin 18-19 qańtarda óz aıdynynda ekinshi topta 36 upaımen jekedara kósh bastap kele atqan Krasnotýrınskiniń «Maıagymen» ótkizedi. Bir qyzyǵy, «Maıakty» Oral dopty hokkeıiniń túlegi Oleg Chernov jattyqtyrady.
