Dopty hokkeı: Oraldyń «Aqjaıyǵy» «Nıkelşık» komandasymen ekinshi oıynynda teń tústi
ORAL. QazAqparat - Dopty hokkeıden Reseı chempıonaty joǵary lıgasynyń ekinshi tobynda óner kórsetetin Oraldyń «Aqjaıyǵy» kezekti oıyndaryn Verhnıı Ýfaleıde jergilikti «Nıkelşık» komandasymen ótkizdi, dep habarlaıdy QazAqparat tilshisi.
Reseı dopty hokkeı federatsııasynyń saıtynan alynǵan málimetke qaraǵanda, tartysty ótken birinshi kezdesýde oraldyqtar aıdyn ıelerine 5:6 esebimen ese jiberdi. Bul oıynda «Aqjaıyqtan» reseılik shabýylshy Sergeı Bashaev het-trıktiń avtory atansa, Petr Grıbanov pen Samat Amanshın bir-birden gol soqty.
Ekinshi machta qarsylastar 5:5 esebimen teń tarqasty. Bul oıynda S.Amanshın esep ashsa, odan keıin kezdesý barysynda S.Bashaev «Nıkelşıktiń» kaqpasyna tórt birdeı dop engizip, taǵy da mergendigimen kózge tústi. Sóıtip ol bıylǵy maýsymda soqqan gol sanyn qazirdiń ózinde 17-ge jetkizdi.
Ekinshi topta 7 upaımen tórtinshi orynda kele jatqan «Aqjaıyq» kelesi oıyndaryn 13-14 jeltoqsan kúnderi Votkınskide «Znamıa-Ýdmýrtııa» komandasymen ótkizedi.
