Dopty hokkeı: Oraldyń «Aqjaıyǵy» «Maıakqa» taǵy da ese jiberdi
ORAL. QazAqparat - Dopty hokkeıden joǵary lıga komandalary arasynda búkilreseılik jarysta oınaıtyn Oraldyń «Aqjaıyǵy» Krasnotýrınskide «Maıakpen» ekinshi kezdesýin ótkizdi, dep habarlaıdy QazAqparat tilshisi.
Reseı dopty hokkeı federatsııasynyń saıtynan alynǵan málimetke qaraǵanda, buljoly match birshama tartysty órbidi.
Birinshi taımda 25-mınýtta Andreı Felkerdiń 12 metrlik aıyp dobyn «Aqjaıyqtyń» qaqpashysy Vıacheslav Gorchakov qaıtara bildi. Alaıda alty mınýttan soń A.Felker buryshtamadan berilgen doptan keıin esep ashty.
Ekinshi taımda Evgenıı Igoshın 12 metrlik núkteden múlt ketkenimen, Aleksandr Kolıagın jáne E.Igoshınniń ózi qatesin túzep, esepti 3:0-ge jetkizdi. Tek 81-mınýtta ǵana «Aqjaıyqtan» Elaman Álipqalıev esepti qysqarta aldy.
Osylaısha «Maıak» ekinshi kezdesýinde 3:1 esebimen jeńiske jetti.
Nıkolaı Shavaldın jattyqtyratyn oraldyqtar ekinshi toptaǵy kelesi oıyndaryn 3-4 jeltoqsan kúnderi Verhnıı Ýfaleıde jergilikti «Nıkelşıkpen» ótkizedi.
Eske sala keteıik, budan buryn «Aqjaıyqtyń» jańa maýsymdaǵy betashar matchynda «Maıaktan» iri eseppen utylyp qalǵanyn jazǵan bolatynbyz.
