Dopty hokkeı: Oraldyń «Aqjaıyǵy» quramynda birqatar ózgerister boldy
ORAL. QazAqparat – Dopty hokkeıden Reseı chempıonatynda óner kórsetetin Oraldyń «Aqjaıyǵy» jańa maýsymǵa daıyndalýda, dep habarlaıdy QazAqparat tilshisi.
«Aqjaıyq» sport klýby dırektorynyń orynbasary Armat Meńdeshevtiń aıtýynsha, komanda quramynda birqatar ózgerister bar.
Komandanyń burynǵy kapıtany Maksım Ótebalıev Reseıdiń sýperlıgasynda oınaıtyn «Ýralskıı Trýbnık» (Pervoýralsk) klýbyna aýysty. Sondaı-aq reseılikter Aleksandr Podmetalın, Aleksandr Chkalov, Sergeı Panteev «Aqjaıyqtan» ketti.
Bıyl Oral dopty hokkeıiniń túlegi, tájirıbeli hokkeıshi Denıs Maksımenko keldi. Oǵan qosa tórt reseılik legıoner Maksım Pahomov, Sergeı Bashaev, Artem Lapshın jáne Aleksandr Shtele «Aqjaıyqtyń» quramyn kúsheıtedi degen úmit bar.
Komandany burynǵysha oraldyq maman Nıkolaı Shavaldın jattyqtyrady.
«Aqjaıyq» joǵary lıga komandalary arasynda búkilreseılik jarystyń ekinshi tobynda oınaıdy. Onda oraldyqtardan basqa «Maıak» (Krasnotýrınsk), «SKSO «SKA-Sverdlovsk» (Ekaterınbýrg), «Dınamo-Qazan-2» (Qazan), «Nıkelşık» (Verhnıı Ýfaleı), «Znamıa-Ýdmýrtııa» (Votkınsk), «Lokomotıv» (Orynbor) jáne jańadan qosylǵan «Kırovets» (Ýfa) klýby bar.
N.Shavaldınniń shákirtteri jańa maýsymdaǵy alǵashqy kezdesýlerin 2-3 jeltoqsanda Verhnıı Ýfaleıde «Nıkelşık» komandasymen ótkizedi.
Osy toptan úzdik eki komanda fınaldyq saıystarǵa joldama alady.
«Bıylǵy maqsat – óz tobymyzdan fınalǵa shyǵý. Qazir hokkeıshiler Oraldaǵy jabyq muz aıdyny saraıynda sheberlikterin ushtaýda. Osy aıdyń aıaǵynda Reseıdegi matchtardy ótkizý úshin attanamyz», dedi QazAqparat tilshisine A.Meńdeshev.
