Dopty hokkeı: Oraldyń «Aqjaıyǵy» kósh bastaýshy komandany utty
ORAL. QazAqparat - Dopty hokkeıden joǵary lıga komandalary arasynda búkilreseılik jarystyń kezekti oıynynda «Aqjaıyq» «Znamıa-Ýdmýrtııa» (Votkınsk) komandasyn qabyldady, dep habarlaıdy QazAqparat tilshisi.
Ekinshi topta ázirge «Nıkelşık» (Verhnıı Ýfaleı) komandasy 18 upaımen kósh bastasa, «Znamıa-Ýdmýrtııanyń» odan bir ǵana upaıy kem-di. Onyń ústine «Nıkelşık» eki matchty artyq ótkizgen.
«Jastar» stadıonynda ótken kezdesýde oraldyqtar qarsylasyna des bergen joq. Bul joly Hromtaý dopty hokkeıiniń túlegi, 19 jasar shabýylshy Azat Bekturǵan erekshe kózge tústi. Ol 3-mınýtta-aq mergendik tanytsa, 55-mınýtta esepti eseledi. Budan keıin reseılik legıonerler Sergeı Panteev (71-mınýt) pen Maksım Pahomov (78-mınýt) qanjyǵasyn maılady.
Osylaısha oraldyq maman Nıkolaı Shavaldınniń shákirtteri 4:0 esebimen jeńiske jetti.
Erteń qos komanda ekinshi oıynyn ótkizedi.
Eske sala keteıik, budan buryn «Aqjaıyqtyń» «Dınamo Qazan-2» komandasyn ekinshi kezdesýinde de utqanyn jazǵan bolatynbyz.
