Dopty hokkeı: Oraldyń «Aqjaıyǵy» kezekti kezdesýinde taǵy utylyp qaldy
ORAL. QazAqparat - Dopty hokkeıden joǵary lıga komandalary arasynda búkilreseılikjarystyń kezekti matchyn Oraldyń «Aqjaıyǵy» Verhnıı Ýfaleıde «Nıkelşık» komandasymen ótkizdi, dep habarlaıdy QazAqparat tilshisi.
Reseı dopty hokkeı federatsııasynyń saıtynan alynǵan málimetke qaraǵanda,kezdesý barynsha tartysty boldy.
Birinshi taım bastalysymen, 4-mınýtta «Aqjaıyqtan» Pavel Chebakov mergendik tanytyp,esep ashty. Degenmen 20 mınýttan keıin «Nıkelşıkten» ıÝrıı Marınov tarazy basyn teńestirip ketti.
Ekinshi taımda aıdyn ıelerinen áýeli Klıment Nıgmatýllın, sodan keıin RomanLopatkov kózge túsip, esepti 3:1-ge jetkizdi. Budan keıin «Aqjaıyqtyń» kapıtanyMaksım Ótebalıev esepti qysqartqanymen, K.Nıgmatýllın 78-mınýtta oıyn núktesinqoıdy.
Osylaısha «Nıkelşık» 4:2 esebimen jeńiske jetti. Erteń qos komanda ekinshi básekesin ótkizedi.
Eske sala keteıik, ekinshi topta bıylǵy maýsymdy sátsiz bastaǵan «Aqjaıyqtyń» budan buryn «Maıak» komandasyna eki márte ese jibergenin jazǵan bolatynbyz.
