Dopty hokkeı: Oraldyń «Aqjaıyǵy» qarsylasyn taǵy da iri eseppen jeńdi
ORAL. QazAqparat - Dopty hokkeıden joǵary lıga komandalary arasynda búkilreseılik jarystyń kezekti oıynynda «Aqjaıyq» «Znamıa-Ýdmýrtııa» (Votkınsk) komandasyn taǵy da iri eseppen jeńdi, dep habarlaıdy QazAqparat tilshisi.
«Jastar» stadıonyndaǵy kezdesý aıdyn ıeleriniń aıqyn basymdylyǵymen ótti.
Oıyn bastalǵannan keıin kóp ótpeı-aq, 5-mınýtta komanda kapıtany Maksım Ótebalıevten pas alǵan jas shabýylshy Azat Bekturǵan esep ashsa, sodan keıin Bolat Muhıt pen reseılik legıoner Sergeı Panteev 12 metrlik penaltıdi múltiksiz oryndady.
«Aqjaıyq» ekinshi taımda da qarqynyn báseńdetpesten, esepti 6:1-ge jetkizdi. Qonaqtardan Aleksandr Kazaev penaltıden kózge túskenimen, sodan soń «Aqjaıyqtan» Petr Grıbanov qos doptyń avtory atandy. Taǵy bir gol Andreı Gýşınniń enshisinde.
Osylaısha Ivan Shavaldınniń shákirtteri tórt ret qatarynan jeńiske qol jetkizdi. 10 oıynnan keıin 12 upaı jınaǵan oraldyqtar ekinshi topta besinshi orynǵa kóterildi.
«Aqjaıyq» kelesi kezdesýlerin 10-11 qańtar kúnderi Orynborda 7 upaımen kósh sońynda kele jatqan jergilikti «Lokomotıvpen» ótkizedi.
Eske sala keteıik, budan buryn «Aqjaıyqtyń» kósh bastaýshy komandany 4:0 esebimen utqanyn jazǵan bolatynbyz.
