Dopty hokkeı: Oraldyń «Aqjaıyǵy» qalǵan oıyndaryn óz aıdynynda ótkizedi
ORAL. QazAqparat - Dopty hokkeıden joǵary lıga komandalary arasynda búkilreseılik jarysta «Aqjaıyq» kezekti oıynyn Votkınskide «Znamıa-Ýdmýrtııa» komandasymen ótkizdi, dep habarlaıdy QazAqparat tilshisi.
Bul Nıkolaı Shavaldın jattyqtyratyn oraldyqtardyń osy maýsymdaǵy syrt aıdyndaǵy sońǵy oıyny edi.
Ekinshi topta kósh bastap kele jatqan «Znamıa-Ýdmýrtııa» birshama tartysty ótken matchta 2:0 esebimen jeńiske jetti.
Shvetsııadaǵy álem birinshiliginen keıin Qazan men Votkınskide tórt oıyn ótkizgen «Aqjaıyq» endi Oralǵa oralady.
Qazirgi kezde 18 upaımen óz tobynda nebári altynshy orynda turǵan batysqazaqstandyqtar qalǵan kezdesýlerin óz aıdynynda ótkizedi. ıAǵnı 12-13 aqpanda Ekaterınbýrgtiń «SKSO SKA-Sverdlovsk», 16-17 aqpanda Krasnotýrınskiniń «Maıak», 20-21 aqpanda Verhnıı Ýfaleıdiń «Nıkelşık» komandasyn qabyldaıdy. Demek, upaı qoryn tolyqtyrýǵa múmkindik bar.
Aldaǵy naýryz aıynda deni «Aqjaıyq» hokkeıshilerinen quralǵan qazaqstandyqtar Reseıdiń Krasnoıarsk qalasynda ótetin dúnıejúzilik ýnıversıadaǵa da qatysady.
Eske sala keteıik, budan buryn «Aqjaıyqtyń» taǵy da utylyp qalǵanyn jazǵan bolatynbyz.
