Dopty hokkeı: Qazaqstandyqtar shırek fınalda AQSh quramasymen kezdesedi
ORAL. QazAqparat - Irkýtsk qalasynda dopty hokkeıden ótip jatqan álem chempıonatynda Qazaqstan quramasynyń shırek fınalda AQSh-pen kezdesetini belgili boldy.
Bandivesti.ru saıtynan alynǵan málimetke qaraǵanda, búgin Alekseı Nıkıshov bastaǵan mamandar jattyqtyratyn qazaqstandyqtar ózderiniń syralǵy qarsylastary fın quramasyn 7:3 esebimen utty. Bul oıynda bizdiń quramadan Dmıtrıı Zavıdovskıı, Aleksandr Nasonov, Sergeı Pochkýnov syndy oıynshylarymyz dop soǵyp, kózge tústi. Kezdesý núktesin komanda kapıtany, Oral dopty hokkeıiniń túlegi Raýan Isalıev qoıdy.
Sóıtip, qazaqstandyqtar «A» tobynda úshinshi oryndy ıelendi. Ekinshi topta AQSh pen Norvegııa teń oınaǵanymen, amerıkandyqtar penaltıden ese jiberdi. Sonymen, erteń qazaqstandyq qurama jartylaı fınalǵa shyǵý úshin AQSh quramasymen kúsh synasady, fınder norvegtermen kezdesedi. Qalǵan shırek fınaldyń eki juby Reseı men Shvetsııa quramalary kezdesýinen keıin anyqtalady.
