Dopty hokkeı: Qazaqstan jastar quramasy álem chempıonatynda baq synady
ORAL. QazAqparat – Qazaqstan jastar quramasy Arhangelsk qalasynda dopty hokkeıden ótken álem chempıonatynda baq synady, dep habarlaıdy QazAqparat tilshisi.
Dúnıejúzilik dodaǵa barlyǵy tórt komanda qatyssa, bulardyń úsheýi – Reseı, Shvetsııa, Fınlıandııa álemdegi eń myqty quramalar edi.
Qazaqstan quramasynyń negizinen oraldyq «Aqjaıyq» komandasynyń oıynshylary qurady.
Oraldyq Elaman Álipqalıev baptaǵan hokkeıshiler barlyq kezdesýlerinde qarsylastaryna iri eseppen ese jiberdi.
Qola júlde úshin sońǵy básekede qazaqstandyqtar fındermen aıdynǵa shyqty. Bul oıynda 26-mınýtta Ershat Amangeldıevtiń esep ashatyndaı keremet múmkindigi boldy. Alaıda onyń 12 metrlik núkteden soqqan aıyp doby qaqpa mańdaıshasynan keri qaıtty. Budan keıin fınder des bermeı, 6:0 esebimen jeńiske jetti.
Fınalda Shvetsııany 7:1 esebimen tize búktirgen Reseı quramasy álem chempıony atandy. Osylaısha reseılikter jastar arasynda óz tarıhynda tórtinshi márte úzdik shyǵyp otyr.
Qazaqstan quramasynan qorǵaýshy Nurbol Bókeshov «Týrnır djentlmeni» arnaıy syılyǵymen marapattaldy.
Eske sala keteıik, budan buryn «Aqjaıyqtyń» reseılik «Kırovets» komandasymen teń oınaǵan edi.
Oraldyqtar aldaǵy matchtaryn 24-25 jeltoqsanda «Dınamo-Qazan-2» komandasymen ótkizedi. Bul «Aqjaıyqtyń» óz aıdynyndaǵy alǵashqy kezdesýleri bolmaq. Demek, Nıkolaı Shavaldınniń shákirtterine upaı qoryn tolyqtyrýǵa tolyq múmkindik bar.
