Dopty hokkeı: Qazaqstan jasóspirimder quramasy ÁCh qola júldegeri atandy
ORAL. QazAqparat - Dopty hokkeıden Qazaqstan jasóspirimder quramasy Reseıdiń Ýlıanovsk qalasynda álem chempıonatynyń qola júldegeri atandy, dep habarlaıdy QazAqparat tilshisi.
BQO dene shynyqtyrý jáne sport basqarmasynyń baspasóz qyzmetinen habarlaǵanyndaı, 17 jasqa deıingiler arasyndaǵy dúnıejúzilik dodada qazaqstandyqtar jartylaı fınalda álemdegi myqtylardyń biri - Shvetsııa quramasyna 0:6 esebimen ese jiberdi.
Qola júlde úshin básekede búgin Danııar Moldashev jattyqtyratyn qazaqstandyqtar Fınlıandııa quramasymen aıdynǵa shyqty. Bul oıynda qazaqstandyqtar fınderdi bet qaratpaı, 5:1 esebimen utty. Ásirese, Dáýren Oralov tórt birdeı goldyń avtory atanyp, aıryqsha kózge tústi. Taǵy bir dopty Ershat Amangeldıev soqsa, buǵan fınderden Kevın Larsson jalǵyz golmen jaýap qaıyrdy.
Altyn júlde úshin fınalda Reseı men Shvetsııa quramalary talasady.
Aıta keteıik, Qazaqstan komandasy «Aqjaıyqtyń» jasóspirim oıynshylarynan quraldy. Budan buryn Qazaqstan jasóspirimder quramasy 1998 jyly Oralda ótken álem chempıonatynda qola júldeger atanǵan edi. Osy úzdik jetistik jıyrma jyldan keıin qaıtalanyp otyr.
