Dopty hokkeı: Qazaqstan Vengrııany 29:0 esebimen utty
ORAL. QazAqparat - Reseıdiń Habarovsk qalasynda dopty hokkeıden ótip jatqan álem chempıonatynda Qazaqstan quramasy alǵashqy oıynyn ótkizdi, dep habarlaıdy «QazAqparat».
Reseı dopty hokkeı federatsııasynyń saıtynan alynǵan málimetke qaraǵanda, bul kezdesýde qazaqstandyqtar Vengrııa quramasyn 29:0 esebimen bet qaratpaı utty.
Ásirese, Oral dopty hokkeıiniń túlegi, qurama kapıtany Raýan Isalıev segiz goldyń avtory atanyp, erekshe kózge tústi. Sondaı-aq sporttaǵy jolyn Oralda bastaǵan Eskendir Nuǵmanov, «Aqjaıyqtan» alynǵan Maksım Ótebalıev pen Sultan Qadyrjanov ta aıdynnan qur ketken joq.
Reseılik maman Ilıas Handaev jattyqtyratyn qazaqstandyqtar erteń AQSh quramasymen kezdesedi.
Eske sala keteıik, 38-inshi álem chempıonaty 4 aqpan kúni márege jetedi. Qazaqstan quramasy buǵan deıin alty márte qola júldeger atanǵan bolatyn.
