Dopty hokkeı: Qazaqstan quramasy jartylaı fınalǵa shyqty
ORAL. QazAqparat - Irkýtsk qalasynda dopty hokkeıden álem chempıonatynda Qazaqstan quramasy shırek fınalda AQSh quramasyn bet qaratpaı jeńdi.
Birinshi taımda Alekseı Nıkıshovtyń shákirtteri jaýapsyz bes dop salsa, oıynnyń ekinshi kezeńi 6:3 bolyp aıaqtaldy. Jalpy esep - 11:3.
Qazaqstan quramasy 1 aqpan kúni jartylaı fınalda Shvetsııa - Belorýssııa jubynyń jeńimpazymen kezdesedi. Árıne, bul jerde álemniń áldeneshe ret chempıony - shvedterdiń bási basym. Qazaqstandyqtardyń qarsylasy da sol bolary anyq.
