Dopty hokkeı: Qazaqstan quramasy álem chempıonatynyń qola júldegeri atandy
ORAL. 4 aqpan. QazAqparat - Shvetsııada márege jetken dopty hokkeıden álem chempıonatynda Qazaqstan quramasy qola júldeger atandy.
Qazaqstannyń eńbek sińirgen jattyqtyrýshysy Alekseı Nıkıshov bastaǵan mamandar baptaǵan el quramasy úshinshi oryn úshin básekede Fınlıandııa hokkeıshilerin 6:3 esebimen utty. Bul oıynda Dmıtrıı Zavıdovskıı eki márte mergendik tanytsa, Andreı Morokov, Aleksandr Nasonov, Evgenıı Shadrın, Vıacheslav Bronnıkov bir-birden gol soqty.
Qazaqstan quramasy sapynda Oral dopty hokkeıiniń túlekteri Leonıd Bedarev, Raýan Isalıev, Denıs Maksımenkolar da óner kórsetti.
Sóıtip qazaqstandyqtar óz tarıhynda tórtinshi ret qola júldeger atandy.
Altyn medaldi aıdyn ıeleri shvedterdi 4:3 esebimen tize búktirgen Reseı quramasy jeńip aldy.
