DOPTY HOKKEI: Habarovskide bastalatyn álem chempıonatynda qazaqstandyqtar reseıliktermen kúsh synasady
ASTANA. QazAqparat - Búgin Reseı Federatsııasynyń Habarovsk qalasynda dopty hokkeıden HHHV álem chempıonaty bastalady.
Reseı dopty hokkeı federatsııasynyń saıtynan alynǵan málimetke qaraǵanda, Qazaqstan ulttyq quramasy «Erofeı» stadıonyndaǵy alǵashqy kezdesýin búgin álem chempıondary - reseıliktermen ótkizedi. Sodan keıin 30 naýryzda dúnıejúzilik bendıdiń taǵy bir myqtysy - shvedtermen aıdynǵa shyǵady. Al 31 naýryzda fındermen kúsh synasady.
Qazaqstannyń eńbek sińirgen jattyqtyrýshysy Alekseı Nıkıshov bastaǵan mamandar baptaıtyn el quramasynyń sapynda Oral dopty hokkeıiniń túlekteri, qaqpashy Іlııas Haırekeshev («Ýnıversal», Saratov), qorǵaýshy Denıs Maksımenko («Start», Nıjnıı Novgorod), shabýylshylar Raýan Isalıev («Sıbselmash», Novosibir), Eskendir Nuǵmanov («Aqjaıyq», Oral), Leonıd Bedarevter («Start», Nıjnıı Novgorod) óner kórsetedi.
Aıta keteıik, Qazaqstan ulttyq quramasy osyǵan deıin álem chempıonatynyń tórt márte qola júldegeri, 2011 jyly qysqy Azııa oıyndarynyń jeńimpazy atanǵan bolatyn.
