Dopty hokkeı: «Aqjaıyqtyń» eki oıyny keıinge qaldy

ORAL. QazAqparat – Dopty hokkeıden joǵary lıga komandalary arasynda búkilreseılik jarysta óner kórsetetin «Aqjaıyqtyń» eki oıyny keıinge qaldy, dep habarlaıdy QazAqparat tilshisi.

Oraldyqtar 10-11 qańtar kúni óz aıdynynda Orynbordyń «Lokomotıvin» qabyldaý kerek edi, áıtse de bul kezdesý eldegi tótenshe jaǵdaıǵa baılanysty ótpeı qaldy.

«Aqjaıyq» sport klýbynyń dırektory Damır Qalaqovtyń aıtýynsha, qazirgi kezde orynborlyqtarmen kelissózder júrgizilýde. Aldaǵy ýaqytta tórt match Orynborda ótýi múmkin (negizi, komandalar eki oıyndy óz aıdynynda, qalǵan ekeýin syrtta ótkizedi).

Oraldyq komanda basqa oıyndaryn óz merziminde ótkizedi. Batysqazaqstandyqtar 2-3 aqpanda óz aıdynynda Verhnıı Ýfaleıdiń «Nıkelşık» komandasyn qabyldaıdy.

«Biz jattyǵýdy úzgen joqpyz. Daıyndalý ústindemiz», dedi QazAqparat tilshisine D.Qalaqov.

Nıkolaı Shavaldınniń shákirtteri 10 oıynnan keıin 21 upaımen úshinshi topta burynǵysynsha ekinshi orynda keledi.

Eske sala keteıik, budan buryn «Aqjaıyqtyń» qatarynan tórt ret jeńiske jetkenin, «Barystyń» kezekti matchy keıinge qaldyrylǵanyn jazǵan bolatynbyz.