Dopty hokkeı: «Aqjaıyq» jeńilisten kóz ashpaı keledi
ORAL. QazAqparat - Dopty hokkeıden joǵary lıga komandalary arasynda búkilreseılik jarysta óner kórsetetin Oraldyń «Aqjaıyǵy» jeńilisten kóz ashpaı keledi, dep habarlaıdy «QazAqparat» tilshisi.
Reseı dopty hokkeı federatsııasynyń saıtynan alynǵan málimetke qaraǵanda, oraldyqtar kezekti oıyndaryn Pervoýralsk qalasynda «SKA-Sverdlovsk» (Ekaterınbýrg) komandasymen ótkizip, ekeýinde de iri eseppen jeńilip qaldy. Birinshi kezdesý 2:9 esebimen aıaqtalyp, onda «Aqjaıyqtan» Pavel Chebakov pen reseılik legıoner Aleksandr Chkalov kózge túse aldy. Ekinshi oıyn 3:7 esebimen támamdalyp, bul joly qonaqtardan Bolat Muhıt, komanda kapıtany Maksım Ótebalıev jáne A.Chkalov bir-bir goldyń avtory atandy.
Eske sala keteıik, reseılik maman Vladımır Kojevnıkov jattyqtyratyn oraldyqtar bıylǵy betashar oıyndarynda Krasnotýrınskide «Maıaktan» 3:7, 4:8 esebimen jeńilis tapqan bolatyn.
Batysqazaqstandyqtar kelesi kezdesýlerin 23-24 jeltoqsanda Oralda «Dınamo-Qazan-2» (Qazan) komandasymen ótkizedi.
