Dopty hokkeı: «Aqjaıyq» jańa jyldaǵy alǵashqy kezdesýinde jeńilip qaldy

ORAL. QazAqparat - Dopty hokkeıden joǵary lıga komandalary arasynda búkilreseılik jarysta Oraldyń «Aqjaıyǵy» kezekti matchyn Orynborda «Lokomotıvpen» ótkizdi, dep habarlaıdy QazAqparat tilshisi.

Jańa jyldaǵy alǵashqy oıynda qarsylastar alma-kezek shabýyldap, birazǵa deıin esep ashylǵan joq.

Tek 21-mınýtta aıdyn ıelerinen Egor Lobaev mergendik tanytty. Bir mınýtqa jetpeı, «Aqjaıyqtyń» jas shabýylshysy Azat Bekturǵan tarazy basyn teńestirip úlgergenimen, ile-shala Roman Tynterov «Lokomotıvti» qaıta alǵa shyǵardy. Birinshi taım sońyna taman Ravıl Sırazetdınov esepti 3:1-ge jetkizdi. Ekinshi kezeńniń aıaǵyna qaraı, 81-mınýtta R.Tynterov taǵy bir goldyń avtory atandy.

Osylaısha orynborlyqtar 4:1 esebimen jeńiske jetti.

Erteń qos komanda ekinshi kezdesýin ótkizedi.

Eske sala keteıik, budan buryn «Aqjaıyqtyń» kósh bastaýshy komandany iri eseppen jeńgenin jazǵan bolatynbyz.