Dopty hokkeı: «Aqjaıyq» jańa maýsymdaǵy alǵashqy jeńisine qol jetkizdi
ORAL. QazAqparat - Dopty hokkeıden «Joǵary lıga» búkilreseılik jarysynyń ekinshi tobynda óner kórsetetin Oraldyń «Aqjaıyǵy» jańa maýsymnyń betashar oıyndaryn Verhnıı Ýfaleıde jergilikti «Nıkelşık» komandasymen ótkizdi.
Reseı dopty hokkeı federatsııasynyń saıtynan alynǵan málimetke qaraǵanda, 25 qarasha kúngi birinshi kezdesýde aıdyn ıeleri 6:1 esebimen jeńiske jetti. Al 26 qarasha kúngi matchty jınaqy ótkizgen batysqazaqstandyqtar qarsylasyn 1:0 esebimen tize búktirip, alǵashqy úsh upaıǵa qol jetkizdi.
Dmıtrıı Ivannıkovtyń shákirtteri endi 28-29 qarashada Ekaterınbýrgte «SKA-Sverdlovsk» komandasymen kúsh synasady.
