Dopty hokkeı: «Aqjaıyq» Ýfada «Kırovets» klýbyna ese jiberdi
ORAL. QazAqparat – Dopty hokkeıden joǵary lıga komandalary arasynda búkilreseılik jarysta «Aqjaıyq» kezekti oıynyn Ýfada «Kırovets» klýbymen ótkizdi, dep habarlaıdy QazAqparat tilshisi.
Nıkolaı Shavaldınniń shákirtteri kezdesýdi sátti bastady.
Aldymen reseılik legıoner Maksım Pahomov esep ashsa, kóp uzamaı Andreı Gýşın mergendigimen kózge tústi. Sodan keıin M.Pahomov esepti 3:0-ge jetkizdi. Birinshi taımda «Kırovetsten» Egor Kozlov bir gol soǵa aldy.
Esesine oıynnyń ekinshi kezeńinde aıdyn ıeleri shabýyldy kúsheıtti. Pavel Dadanov het-trıktiń avtory atansa, Alekseı Sevrıýkov pen Vladımır Ivanov ta qur ketpedi. «Aqjaıyqtan» taǵy bir reseılik Artem Lapshın ǵana jalǵyz golmen jaýap qaıyrdy.
Osylaısha «Kırovets» 6:4 esebimen jeńiske jetti.
Komandalar 15 jeltoqsan kúni ekinshi kezdesýin ótkizedi.
Eske sala keteıik, budan buryn «Aqjaıyqtyń» «Maıak» komandasynan utylyp qalǵanyn jazǵan bolatynbyz.
