Dopty hokkeı: «Aqjaıyq» tartysty oıynda «Cheremshanǵa» ese jiberdi
ORAL. QazAqparat - Dopty hokkeıden «Joǵary lıga» búkilreseılik jarysynyń fınaldyq týrnırinde keshe Oraldyń «Aqjaıyǵy» Ýlıanovsk qalasynda Dımıtrovgradtyń «Cheremshan» komandasymen kúsh synasty.
Reseı dopty hokkeı federatsııasynyń saıtynan alynǵan málimetke qaraǵanda, asa tartysty ótken match 9:8 esebimen aıdyn ıeleri bolyp esepteletin «Cheremshannyń» paıdasyna aıaqtaldy. Bul kezdesýde «Aqjaıyq» quramynda Maksım Ótebalıev úsh doptyń avtory atansa, Elaman Álipqalıev, Maksım Pıanov, Eskendir Nuǵmanov, Sergeı Bashaev, Pavel Chebakov bir-birden gol soqty.
Eske sala keteıik, budan buryn oraldyqtar birinshi oıynda «Mýrman» (Mýrmansk) komandasynan iri eseppen (1:13) oısyraı utylyp qalǵan bolatyn. Endi «Aqjaıyq» aldaǵy úsh kúnde «Saıany-Hakasııa» (Abakan), «Nıkelşık» (Verhnıı Ýfaleı) jáne «Znamıa-Ýdmýrtııa» (Votkınsk) komandalarymen aıdynǵa shyǵady. Fınaldyq týrnırde birinshi jáne ekinshi oryndy ıelengen komandalar Reseı chempıonatynyń sýperlıgasyna joldama alady.
