Dopty hokkeı: «Aqjaıyq» tartysty matchta Qazanda teń oınady
ORAL. QazAqparat - Dopty hokkeıden joǵary lıga komandalary arasynda búkilreseılik jarysta Oraldyń «Aqjaıyǵy» Qazanda «Dınamo-Qazan-2» komandasymen aıdynǵa shyqty, dep habarlaıdy «QazAqparat» tilshisi.
Asa tartysty ótken kezdesý barysynda oraldyqtar 3:2 esebimen alǵa shyqty. Odan keıin qazandyqtar basymdylyq kórsetkenimen, «Aqjaıyq» tarazy basyn teńestire aldy. Aıdyn ıeleri 82-mınýtta taǵy bir gol soqqanymen, oraldyqtar 90-mınýtta esepti qaıta teńestirdi. Sóıtip, qos komanda 7:7 esebimen teń tarqasty.
Bul oıynda «Aqjaıyqtan» Sultan Qadyrjanov het-trıktiń avtory atansa, komanda kapıtany Maksım Ótebalıev eki, Andreı Gýşın men Qýanysh Temirálın bir-bir goldan soqty.
18 aqpanda qos komanda ekinshi kezdesýin ótkizedi.
Eske sala keteıik, reseılik maman Vladımır Kojevnıkov jattyqtyratyn batysqazaqstandyq klýb ekinshi topta 30 upaımen burynǵysha tórtinshi orynda keledi.
