Dopty hokkeı: «Aqjaıyq» taǵy utylyp qaldy
ORAL. QazAqparat - Dopty hokkeıden joǵary lıga komandalary arasynda búkilreseılik jarysta óner kórsetetin Oraldyń «Aqjaıyǵy» úshin Orynbor sapary sátsiz boldy, dep habarlaıdy «QazAqparat» tilshisi.
Ekinshi topta fınaldyq saıystarǵa joldama alýdan qos komanda da úmitti bolǵandyqtan, jeńis aýadaı qajet edi. 22 qańtar kúni 2:6 esebimen ese jibergen oraldyqtar ekinshi oıynda baryn salyp baqty. Birinshi taım 1:1 esebimen teń aıaqtaldy. Kezdesýdiń ekinshi bóliginde orynborlyqtar jaýapsyz eki gol soqty. Sóıtip aıdyn ıeleri 3:1 esebimen taǵy da jeńiske jetti.
Budan keıin 32 upaı jınaǵan orynborlyqtar kósh basyndaǵy 37 upaıy bar «Znamıa-Ýdmýrtııa» (Votkınsk) jáne odan tórt upaıy kem «Maıak» (Krasnotýrınsk) komandalaryna birtaban jaqyndady. Al nebári 23 upaıy bar «Aqjaıyq» úzdik úshtikten edáýir keıin qalyp qoıdy.
Reseılik maman Vladımır Kojevnıkov jattyqtyratyn batysqazaqstandyqtar kelesi kezdesýlerin 12-13 aqpan kúnderi Oralda «Nıkelşık» (Verhnıı Ýfaleı) komandasymen ótkizedi. Sodan keıingi alty oıyny syrt aıdyndarda bolady. Sondyqtan bıyl «Aqjaıyqqa» fınaldyq saıystarǵa joldama alý qıynǵa túsedi.
