Dopty hokkeı: «Aqjaıyq» taǵy da jeńilip qaldy
ORAL. QazAqparat - Dopty hokkeıden joǵary lıga komandalary arasynda búkilreseılik jarysta Oraldyń «Aqjaıyǵy» kezekti matchyn Votkınskide «Znamıa-Ýdmýrtııa» komandasymen ótkizdi, dep habarlaıdy QazAqparat tilshisi.
«Znamıa-Ýdmýrtııa» ekinshi topta 35 upaımen jekedara kósh bastasa, oraldyqtar (18 upaı) altynshy orynda edi.
Bul oıynda buryshtamadan berilgen doptan keıin aıdyn ıelerinen Evgenıı Cherepanov esep ashty. Sodan keıin Igor Ýfandeev esepti 2:0-ge jetkizdi.
Ekinshi taımda «Aqjaıyqtyń» kapıtany Maksım Ótebalıev esepti qysqartqanymen, E.Cherepanov, I.Ýfandeev, Vıacheslav Petrov mergendigimen kózge tústi.
Osylaısha «Znamıa-Ýdmýrtııa» 5:1 esebimen jeńiske jetti.
Jergilikti tóreshilerdiń sheshimimen «Aqjaıyq» hokkeıshileriniń 50 mınýt aıyp ýaqytyna kesilgenin aıta ketken jón.
9 aqpan kúni qos komanda ekinshi kezdesýin ótkizedi.
Eske sala keteıik, budan buryn «Aqjaıyqtyń» Qazanda eki márte utylyp qalǵanyn jazǵan bolatynbyz.
