Dopty hokkeı: «Aqjaıyq» syrt aıdynda orynborlyqtarǵa ese jiberdi
ORAL. QazAqparat - Dopty hokkeıden joǵary lıga komandalary arasynda búkilreseılik jarysta óner kórsetetin «Aqjaıyq» kezekti oıynyn Orynborda «Lokomotıv» komandasymen ótkizdi, dep habarlaıdy «QazAqparat» tilshisi.
Bul kezdesý ekinshi topta úshinshi-tórtinshi orynda kele jatqan qos klýb úshin de mańyzdy edi. Birinshi taımda aıdyn ıeleri 3:0 esebimen alǵa shyqsa, oıynnyń ekinshi kezeńinde de sol basymdylyqty saqtap qala aldy. Sóıtip «Lokomotıv» 6:2 esebimen jeńiske jetti.
Búgin komandalar ekinshi kezdesýin ótkizedi.
Reseılik maman Vladımır Kojevnıkov jattyqtyratyn oraldyqtar ekinshi topta 23 upaımen burynǵysha tórtinshi orynda keledi.
«Aqjaıyq» sport klýbynyń dırektory Azamat Shaıhynyń aıtýynsha, komanda kapıtany Maksım Ótebalıev bastaǵan úsh oıynshy aldaǵy matchtan keıin Reseıdiń Habarovsk qalasynda 29 qańtar - 4 aqpan aralyǵynda dopty hokkeıden ótetin álem chempıonatyna attanady.
