Dopty hokkeı: «Aqjaıyq» syrt aıdynda «Maıakpen» teń oınady

ASTANA. QazAqparat – Dopty hokkeıden joǵary lıga komandalary arasynda Reseı chempıonatynda Oraldyń «Aqjaıyǵy» Krasnotýrınskide jergilikti «Maıakpen» ekinshi oıynyn ótkizdi, dep habarlaıdy QazAqparat tilshisi.

Birinshi taımda aıdyn ıeleri 2:1 esebimen alda boldy.

Esesine ekinshi kezeńde oraldyqtar shıraq oınady – 3:2. Qorytyndy esep – 4:4.

Bul oıynda «Aqjaıyqtyń» surmergeni, reseılik legıoner Maksım Pahomov het-trıktiń avtory atansa, Ershat Amangeldıevtiń de qanjyǵasy maılandy.

Keshe ótken birinshi matchta oraldyq maman Nıkolaı Shavaldınniń shákirtteri 5:7 esebimen ese jibergen edi. Bul básekede M.Pahomov 3, Elaman Álipqalıev pen Artem Lapshın bir-bir gol soqty.

Úshinshi topta 13 oıynnan keıin 23 upaı jınaǵan batysqazaqstandyq klýb burynǵysha tórtinshi orynda keledi.

«Aqjaıyq» osy maýsymdaǵy qorytyndy kezdesýlerin 18-19 aqpanda Verhnıı Ýfaleıde osy topta birinshi orynda turǵan «Nıkelşık» komandasymen ótkizedi.

Eske sala keteıik, budan buryn dopty hokkeıden «Aqjaıyqtyń» ekinshi oıynda qarsylasyna ese jibergenin jazǵan bolatynbyz.

Ashyq kózderden alynǵan foto