Dopty hokkeı: «Aqjaıyq» sońǵy matchta «Nıkelşıkpen» teń oınady
ORAL. QazAqparat - Dopty hokkeıden joǵary lıga komandalary arasynda búkilreseılik jarysta Oraldyń «Aqjaıyǵy» Verhnıı Ýfaleıde búgin jergilikti «Nıkelşıkpen» ekinshi oıynyn ótkizdi, dep habarlaıdy «QazAqparat» tilshisi.
Reseı dopty hokkeı federatsııasynyń saıtynan alynǵan málimetke qaraǵanda, aıdyn ıelerinen Mıhaıl Andreev 26-mınýtta esep ashsa, on mınýttan keıin «Aqjaıyqtan» Ilıa Glýhov tarazy basyn teńestirdi.
Ekinshi taım bastalysymen Sultan Qadyrjanov qonaqtardy alǵa shyǵardy. Alaıda «Nıkelşıkten» M.Andreev, Dmıtrıı Harıtonov jáne komanda kapıtany Evgenıı Salamatov kózge túsip, esepti 4:2-ge jetkizdi. Degenmen Vladımır Kojevnıkovtiń shákirtteri namysqa tyrysyp, 85-mınýtta reseılik legıoner Sergeı Panteev, 89-mınýtta komanda kapıtany Maksım Ótebalıev mergendik tanytty.
Osylaısha tartysty ótken kezdesý 4:4 esebimen teń aıaqtaldy.
Sóıtip «Aqjaıyq» ekinshi topta 31 upaımen besinshi orynǵa ıe bolyp, úzdik úshtiktiń qatarynan kórine almady.
