Dopty hokkeı: «Aqjaıyq» «SKA-Sverdlovsk» komandasyn ekinshi ret utty
ORAL. QazAqparat - Dopty hokkeıden joǵary lıga komandalary arasynda búkilreseılik jarysta óner kórsetetin «Aqjaıyq» óz aıdynynda «SKA-Sverdlovsk» komandasymen ekinshi oıynyn ótkizdi, dep habarlaıdy QazAqparat tilshisi.
Bul kezdesýde de Nıkolaı Shavaldınniń shákirtteri aıqyn basymdyq kórsetip, 6:1 esebimen jeńiske jetti.
Oıyn barysynda eki ret mergendik tanytqan reseılik legıoner Maksım Pahomov bıylǵy maýsymda soqqan gol sanyn 30-ǵa jetkizdi.
Sondaı-aq komanda kapıtany Maksım Ótebalıev qos goldyń avtory atandy. Reseılikter Sergeı Bashaev pen Aleksandr Slýgın qarsylastyń qaqpasyna bir-bir doptan engizdi.
Qonaqtardan Alekseı Snegırev qana gol soǵa aldy.
Osy oıynnan keıin 27 upaı jınaǵan oraldyq klýb úshinshi topta tórtinshi orynǵa kóterildi.
«Aqjaıyq» kelesi matchtaryn Oralda 11-12 aqpanda negizgi qarsylastarynyń biri - «Maıak» (Krasnotýrınsk) komandasymen ótkizedi.
Eske sala keteıik, budan buryn «Aqjaıyqtyń» qarsylasyn oısyrata utqanyn jazǵan bolatynbyz.
