Dopty hokkeı: «Aqjaıyq» «Saıany» komandasyna ese jiberdi
ORAL. QazAqparat - Dopty hokkeıden joǵary lıga komandalary arasynda Syktyvkar qalasynda márege jaqyndaǵan fınaldyq týrnırde Oraldyń «Aqjaıyǵy» búgin Abakannyń «Saıany» komandasymen aıdynǵa shyqty, dep habarlaıdy «QazAqparat» HAA tilshisi.
Reseı dopty hokkeı federatsııasynyń saıtynan alynǵan málimetke qaraǵanda, oıyn barysynda abakandyq hokkeıshilerdiń basymdylyǵy aıqyn baıqalyp, olar 7:3 esebimen jeńiske jetti. «Aqjaıyqtan» komanda kapıtany Maksım Ótebalıev, reseılik shabýylshy Sergeı Bashaev jáne jas qorǵaýshy Andreı Gýşın gol soǵyp, kózge tústi.
Fınaldyq týrnırde jeńilisten kóz ashpaǵan oraldyqtar erteń sońǵy oıynda «Znamıa-Ýdmýrtııa» (Votkınsk) komandasymen kúsh synasady.
