Dopty hokkeı: «Aqjaıyq» reseılik «Kırovetspen» teń oınady
ORAL. QazAqparat – Dopty hokkeıden joǵary lıga komandalary arasynda búkilreseılik jarysta «Aqjaıyq» Ýfada «Kırovetspen» ekinshi oıynynda teń tústi, dep habarlaıdy QazAqparat tilshisi.
Oraldyqtar bul kezdesýde birinshi bolyp esep ashty.
Buryshtamadan berilgen doptan keıin reseılik legıoner Sergeı Bashaev óz múmkindigin múlt jibermedi.
Ekinshi taımda Alekseı Sevrıýkov pen Pavel Dadanovtyń goldarynan soń aıdyn ıeleri alǵa shyqty – 2:1. Degenmen «Aqjaıyq» quramyndaǵy taǵy bir reseılik Maksım Pahomov tarazy basyn teńestire aldy – 2:2.
Oraldyqtar ekinshi topta tórt upaımen altynshy orynda keledi.
Nıkolaı Shavaldınniń shákirtteri kelesi kezdesýlerin 24-25 jeltoqsanda óz aıdynynda «Dınamo-Qazan-2» komandasymen ótkizedi.
Eske sala keteıik, budan buryn «Aqjaıyqtyń» Ýfada «Kırovets» klýbyna ese jibergenin jazǵan bolatynbyz.
