Dopty hokkeı: «Aqjaıyq» Reseıdiń «Maıak» komandasyn tize búktirdi
ORAL. QazAqparat - Dopty hokkeıden búkilreseılik jarystyń joǵary lıgasynda óner kórsetetin Oraldyń «Aqjaıyǵy» «Maıak» (Krasnotýrınsk) komandasyn qabyldady, dep habarlaıdy QazAqparat tilshisi.
Oral dopty hokkeıiniń túlegi Oleg Chernov jattyqtyratyn «Maıak» ekinshi topta 36 upaımen ekinshi orynda keledi. Demek, fınaldyq saıystarǵa beriletin qos joldamadan úmitker komandanyń biri.
Aıdyn ıeleri oıyn tizginin birden qolǵa alyp, 21-mınýtta reseılik legıoner Maksım Pahomov 12 metrlik penaltıdi múltiksiz oryndap, esep ashty. 29-mınýtta Petr Grıbanov 2:0-ge jetkizgenimen, taım sońyna taman «Maıaktan» Mıhaıl Dýnaev esepti qysqartty.
Ekinshi taımda Dmıtrıı Lıpın tarazy basyn teńestirgenimen, odan keıin ábjil qımyldaǵan «Aqjaıyqtyń» kapıtany Maksım Ótebalıev, M.Pahomov jáne Bolat Muhıt oraldyqtarǵa jeńis syılady - 5:2.
Jeksenbi kúni qos komanda ekinshi kezdesýin ótkizedi.
Upaı sanyn 27-ge jetkizgen batysqazaqstandyq klýb týrnır kestesinde «Nıkelşık» (Verhnıı Ýfaleı) komandasymen tórtinshi-besinshi oryndardy bólisýde. Bıylǵy chempıonattaǵy sońǵy oıyndaryn 20-21 aqpanda Nıkolaı Shavaldınniń shákirtteri naq osy komandamen ótkizedi.
Bir aıtatyn jaıt, oraldyqtar maýsym barysynda syrt aıdyndarda birde-bir upaıǵa ıe bola almady (buǵan reseılik tóreshilerdiń qazylyq etýi de áser etti). Esesine óz aıdynynda ázirge upaı joǵalta qoıǵan joq.
Eske sala keteıik, budan buryn «Aqjaıyqtyń» reseılik komandany eki ret utqanyn jazǵan bolatynbyz.
