Dopty hokkeı: «Aqjaıyq» óz tobynda ekinshi orynǵa kóterildi
ORAL. QazAqparat - Dopty hokkeıden Reseı chempıonaty joǵary lıgasynyń ekinshi tobynda óner kórsetetin Oraldyń «Aqjaıyǵy» búgin óz aıdynynda «Znamıa-Ýdmýrtııa» (Votkınsk) komandasyn qabyldap, 7:2 esebimen jeńiske jetti, dep habarlaıdy «QazAqparat» HAA tilshisi.
«Stenovık» stadıonynda ótken matchta komanda kapıtany Maksım Ótebalıev pen reseılik legıoner Sergeı Bashaev qarsylastarynyń qaqpasyna qos-qostan dop engizse, Elaman Álipqalıev, Petr Grıbanov jáne Andreı Gýşın bir goldan óz esepterine jazdy.
Osy kezdesýden keıin «Aqjaıyq» 46 upaımen óz tobynda ekinshi orynǵa kóterildi. Kósh bastap kele jatqan «Maıaktyń» (Krasnotýrınsk) esebinde 47 upaı bolsa, úshinshi satydaǵy «Znamıa-Ýdmýrtııanyń» oraldyqtardan bir upaıy kem. Demek, erteń ótetin sońǵy oıynda «Aqjaıyq» «Znamıa-Ýdmýrtııa» komandasyn jeńse, keminde ekinshi oryndy ıelenedi.
Eske sala keteıik, reseılik maman Vladımır Kojevnıkov jattyqtyratyn batysqazaqstandyqtar Syktyvkar qalasynda 28 aqpan - 6 naýryz aralyǵynda ótetin fınaldyq saıystarǵa qatysady. Onda toǵyz komanda sýperlıgaǵa beriletin qos joldamany sarapqa salady.
