Dopty hokkeı: «Aqjaıyq» óz aıdynyndaǵy alǵashqy oıynda iri eseppen jeńiske jetti
ORAL. QazAqparat - Dopty hokkeıden joǵary lıga komandalary arasynda búkilreseılik jarysta óner kórsetetin «Aqjaıyq» alǵashqy jeńisine qol jetkizdi, dep habarlaıdy «QazAqparat» tilshisi.
Búgin Oraldaǵy «Stenovık» stadıonynda «Dınamo-Qazan-2» komandasyn qabyldaǵan batysqazaqstandyqtar 8:1 esebimen jeńiske jetti.
«Aqjaıyq» sport klýbynyń dırektory Azamat Shaıhynyń aıtýynsha, Andreı Gýşın tórt goldyń avtory atandy. Sondaı-aq, Petr Grıbanov qarsylastar qaqpasyna 2, Bolat Muhıt pen Elaman Álipqalıev bir-birden gol soqty. Buǵan qonaqtardan Aleksandr Semenov bir ǵana golmen jaýap qaıtara aldy.
Bul - batysqazaqstandyqtardyń bıylǵy maýsymdaǵy birinshi jeńisi.
Erteń reseılik maman Vladımır Kojevnıkov jattyqtyratyn oraldyqtar «Dınamo-Qazan-2» komandasymen ekinshi oıynyn ótkizedi.
Eske sala keteıik, munyń aldynda «Aqjaıyq» syrt aıdyndaǵy tórt kezdesýinde qarsylastarynan utylyp qalǵan bolatyn.
