Dopty hokkeı: «Aqjaıyq» óz aıdynynda «Znamıa-Ýdmýrtııa» komandasyna ese jiberdi
ORAL. QazAqparat - Dopty hokkeıden joǵary lıga komandalary arasynda búkilreseılik jarysta «Aqjaıyq» «Znamıa-Ýdmýrtııa» (Votkınsk) komandasymen ekinshi kezdesýinde utylyp qaldy, dep habarlaıdy «QazAqparat» tilshisi.
Bul match ta tartysty ótip, 10-mınýtta aldymen «Aqjaıyqtan» Andreı Gýşın esep ashty. Degenmen 16-mınýtta «Znamıa-Ýdmýrtııa» komandasynan Sergeı Gavrılov tarazy basyn teńestirdi. Ekinshi taımda 55-mınýtta Artem Nıkýlın sheshýshi goldy soǵyp ketti. Sóıtip qonaqtar 2:1 esebimen jeńiske jetti.
Birinshi oıynda komandalar 3:3 esebimen teń tarqasqan bolatyn.
Aıta keteıik, «Aqjaıyq» kelesi oıyndaryn óz aıdynynda 9-10 qańtarda 10 oıynnan keıin 13 upaımen ekinshi topta ázirge úshinshi orynda turǵan «Lokomotıv» (Orynbor) komandasymen ótkizedi. Sońǵy satydaǵy oraldyqtardyń jeti upaıy bar. Aldaǵy oıyndaryn sátti ótkizse, Vladımır Kojevnıkov shákirtteriniń týrnır kestesindegi jaǵdaıyn jaqsarta alary anyq.
