Dopty hokkeı: «Aqjaıyq» oıynshysy bir matchta segiz gol soqty
ORAL. QazAqparat – Dopty hokkeıden joǵary lıga komandalary arasynda búkilreseılik jarysta «Aqjaıyq» «SKA-Sverdlovsk» komandasyn qabyldap, iri eseppen jeńiske jetti, dep habarlaıdy QazAqparat tilshisi.
«Jastar» stadıonynda ótken bul match «Aqjaıyq» quramyndaǵy reseılik legıoner Maksım Pahomovtyń benefısine aınaldy.
M.Pahomov qos taımda qarsylas komandanyń qaqpasyna segiz dop engizip, bıylǵy maýsymda soqqan gol sanyn 55-ke jetkizdi.
Aıdyn ıelerinen taǵy bir goldy Sergeı Bashaev salsa, qonaqtardan Nıkıta Nıkolaev, Kırıll Afanasev, Andreı Zelenın jáne Vıtalıı Bryzgın kózge tústi.
Jalpy esep – 9:4.
Bul matchtan keıin 43 upaı jınaǵan oraldyq klýb ekinshi topta burynǵysha úshinshi orynda keledi.
Erteń qos komanda ekinshi kezdesýin ótkizedi.
Eske sala keteıik, budan buryn «Aqjaıyqtyń» «Kırovetsti» taǵy utqanyn jazǵan bolatynbyz.
