Dopty hokkeı: «Aqjaıyq» orynborlyq komandany utty
ORAL. QazAqparat – Dopty hokkeıden joǵary lıga komandalary arasynda Reseı chempıonatynda Oraldyń «Aqjaıyǵy» «Jastar» stadıonynda Orynbordyń «Lokomotıv» komandasyn qabyldady, dep habarlaıdy QazAqparat tilshisi.
Birinshi taım aıdyn ıeleriniń aıqyn basymdylyǵymen ótti – 4:1.
Ekinshi kezeńde komandalar teń tústi – 2:2. Qorytyndy esep – 6:3, «Aqjaıyqtyń» paıdasynda.
Oraldyqtardan komanda surmergeni, reseılik Maksım Pahomov het-trıktiń avtory atandy. Oral dopty hokkeıiniń túlekteri Pavel Chebakov pen Bolat Muhıt, reseılik Aleksandr Slýgın qarsylastyń qaqpasyna bir-birden gol engizdi. Qonaqtardan Vasılıı Smolenkov, Artem Gareev jáne Alekseı Petrov mergendigimen kózge tústi.
Erteń qos komanda ekinshi kezdesýin ótkizedi.
Nıkolaı Shavaldın jattyqtyratyn batysqazaqstandyq komanda úshinshi topta 12 upaımen tórtinshi orynda keledi.
Eske sala keteıik, budan buryn «Aqjaıyqtyń» Maıak komandasyn ekinshi ret oısyrata utqanyn jazǵan edik.
Foto: «Aqjaıyq» SK
