Dopty hokkeı: «Aqjaıyq» orynborlyq komandany oısyrata utty
ORAL. QazAqparat – Dopty hokkeıden joǵary lıga komandalary arasynda búkilreseılik jarysta «Aqjaıyq» óz aıdynynda Orynbordyń «Lokomotıv» komandasyn qabyldady, dep habarlaıdy QazAqparat tilshisi.
Match barysynda oraldyqtar qarsylasyn bet qaratpaı, iri eseppen utty.
«Aqjaıyq» sapyndaǵy reseılik legıoner Maksım Pahomov bul kezdesýde tórt goldyń avtory atandy. Osylaısha ol bıylǵy maýsymda soqqan dop sanyn 28-ge jetkizdi.
Taǵy bir reseılik Sergeı Bashaev eki gol soqty. Reseılik Aleksandr Shtele, sondaı-aq Qýanysh Temirálın, Petr Grıbanovtyń enshisinde bir doptan bar. Qonaqtardan Shamıl Mamedov bir golmen jaýap qaıyra aldy.
Jalpy esep – 9:1.
Osy jeńisten keıin Nıkolaı Shavaldınniń shákirtteri ekinshi topta 19 upaımen tórtinshi orynǵa kóterildi.
Komandalar erteń ekinshi kezdesýin ótkizedi.
Eske sala keteıik, budan buryn «Aqjaıyqtyń» taǵy da iri eseppen jeńiske jetkenin jazǵan bolatynbyz.
