Dopty hokkeı: «Aqjaıyq» Orynborda sońǵy matchynda jeńilip qaldy
ORAL. QazAqparat - Dopty hokkeıden joǵary lıga komandalary arasynda búkilreseılik jarysta Oraldyń «Aqjaıyǵy» úshinshi toptaǵy sońǵy kezdesýin Orynborda jergilikti «Lokomotıvpen» ótkizdi, dep habarlaıdy QazAqparat tilshisi.
Birinshi taımda «Lokomotıvten» Sergeı Romashov pen Oleg Hasıanov gol soǵyp, komandasyn alǵa shyǵardy.
Kóp uzamaı «Aqjaıyqtan» Nurbol Bókeshov pen Maksım Pahomov tarazy basyn teńestirdi. Dmıtrıı Barlıaev mergendik tanytqanymen, «Aqjaıyq» sapyndaǵy Sergeı Bashaev kózge tústi.
Ekinshi taımda Petr Grıbanov oraldyqtardy alǵa shyǵarǵanymen, orynborlyqtar qatarynan úsh gol soǵyp, 6:4 esebimen jeńiske jetti.
Degenmen «Aqjaıyq» óz tobynda úshinshi orynǵa ıe bolyp, fınaldyq saıystarǵa joldama aldy.
Eske sala keteıik, budan buryn «Aqjaıyqtyń» qarsylasyn iri eseppen utqanyn jazǵan bolatynbyz.
