Dopty hokkeı: «Aqjaıyq» «Nıkelşıkten» utylyp qaldy
ORAL. QazAqparat – Joǵary lıga komandalary arasynda búkilreseılik jarysta «Aqjaıyq» Verhnıı Ýfaleıde jergilikti «Nıkelşıkpen» ekinshi kezdesýin ótkizdi, dep habarlaıdy QazAqparat tilshisi.
Bul matchta da aıdyn ıeleri 6:4 esebimen jeńiske jetti.
Birinshi taımda esep 5:3 bolsa, oıynnyń ekinshi kezeńi teń aıaqtaldy (1:1).
«Nıkelşıkten» Maksım Bovt erekshe kózge túsip, het-trıktiń avtory atansa, «Aqjaıyq» sapynan reseılik legıonerler Maksım Pahomov, Sergeı Bashaev, sondaı-aq Pavel Chebakov pen komanda kapıtany Denıs Maksımenko bir-bir goldan soqty.
Ekinshi topta óner kórsetetin, oraldyq maman Nıkolaı Shavaldınniń shákirtteri kelesi kezdesýlerin 10-11 jeltoqsanda Krasnotýrınskide «Maıak» klýbymen ótkizedi.
Eske sala keteıik, budan buryn «Aqjaıyqtyń» betashar matchynda qarsylasyna ese jibergenin jazǵan bolatynbyz.
