Dopty hokkeı: «Aqjaıyq» «Maıakty» ekinshi ret tize búktirdi
ORAL. QazAqparat - Dopty hokkeıden Oraldyń «Aqjaıyǵy» «Maıak» (Krasnotýrınsk) komandasyn ekinshi ret utty, dep habarlaıdy «QazAqparat» tilshisi.
Búgin «Stenovık» stadıonynda Vladımır Kojevnıkovtiń shákirtteri 4:2 esebimen jeńiske jetti. «Aqjaıyq» birinshi taımda 2:1 esebimen alǵa shyqty. Oıynnyń ekinshi kezeńinde de dál osyndaı esep tirkeldi. Aıdyn ıelerinen reseılik legıoner Aleksandr Efımov esep ashsa, sodan keıin Oraldyń óz túlekteri Petr Grıbanov, Pavel Chebakov jáne Andreı Gýşın bir-bir goldyń avtory atandy. «Maıaktan» Dmıtrıı ıAroslavtsev pen komanda kapıtany Fedor Mıronov dop soǵyp, kózge tústi.
Oral dopty hokkeıiniń túlegi Oleg Chernov jattyqtyratyn, quramynda sýperlıgada oınap kórgender bar «Maıak» komandasy Aq Jaıyqqa qalaıda upaı alamyn dep kelgen bolatyn. Alaıda ol maqsattary oryndalmaı, eki matchta da jeńilip qaldy.
Bul kezdesýden keıin 23 upaı jınaǵan «Aqjaıyq» ekinshi topta «Lokomotıv» (Orynbor) komandasymen úshinshi, tórtinshi oryndardy bólisýde. Biraq oraldyqtardyń orynborlyq komandadan bir oıyny kem.
Úsh birdeı oıynshysynyń 29 qańtar - 4 aqpan aralyǵynda Reseıdiń Habarovsk qalasynda ótetin álem chempıonatyna qatysýyna baılanysty «Aqjaıyq» komandasy kelesi básekelerin 12-13 aqpanda óz aıdynynda «Nıkelşık» (Verhnıı Ýfaleı) komandasymen ótkizedi.
