Dopty hokkeı: «Aqjaıyq» «Maıak» komandasynan utylyp qaldy
ORAL. QazAqparat – Joǵary lıga komandalary arasynda dopty hokkeıden búkilreseılik jarysta Oraldyń «Aqjaıyǵy» kezekti oıyndaryn Krasnotýrınskide «Maıak» komandasymen ótkizdi, dep habarlaıdy QazAqparat tilshisi.
Oraldyqtar qos kezdesýde de jeńilis tapty.
Birinshi matchta «Aqjaıyq» Oral dopty hokkeıiniń túlegi Oleg Chernov jattyqtyratyn aıdyn ıelerine 2:5 esebimen ese jiberdi. Qonaqtar tarapynan reseılik legıoner Maksım Pahomov pen Andreı Gýşın gol avtorlary atandy.
Ekinshi básekede oraldyq Petr Grıbanov esep ashqanymen, «Maıak» oıynshysy Mıhaıl Dýnaev tarazy basyn teńestirdi. Budan keıin Evgenıı Igoshın aıdyn ıelerin alǵa shyǵarsa, «Aqjaıyq» sapyndaǵy taǵy bir reseılik Aleksandr Shtele qarymta qaıyrdy. Alaıda Maksım Nıkıshov pen Evgenıı Tsarogorodtsev mergendik tanytyp, «Maıakka» jeńis áperdi – 4:2.
Ekinshi topta «Maıak» 15 upaımen kósh basynda kele jatsa, «Aqjaıyq» nebári úsh upaımen altynshy orynda tur.
Oraldyq maman Nıkolaı Shavaldınniń shákirtteri kelesi kezdesýlerin 14-15 jeltoqsanda Ýfada jergilikti «Kırovetspen» ótkizedi.
Eske sala keteıik, budan buryn «Aqjaıyqtyń» alǵashqy jeńisine qol jetkizgenin jazǵan bolatynbyz.
