Dopty hokkeı: «Aqjaıyq» «Maıak» komandasyn ekinshi ret utty
ORAL. QazAqparat - Dopty hokkeıden búkilreseılik jarystyń joǵary lıgasynda oınaıtyn Oraldyń «Aqjaıyǵy» «Maıak» (Krasnotýrınsk) komandasymen ekinshi kezdesýin ótkizdi, dep habarlaıdy QazAqparat tilshisi.
«Jastar» stadıonyndaǵy match barysynda aıdyn ıeleri birinshi taımda 1:3 esebimen ese jiberip jatty.
Esesine ekinshi taımda oraldyq maman Nıkolaı Shavaldınniń shákirtteri jaýapsyz bes dop soqty. Ásirese, reseılik legıoner Maksım Pahomov tórt goldyń avtory atandy (ol 12 metrlik penaltıdi eki ret múltiksiz oryndasa, bireýinde soqqan doby qaqpadan qıys ketti). Andreı Gýşın men komanda kapıtany Maksım Ótebalıev bir-birden mergendik tanytty.
Osylaısha batysqazaqstandyq klýb 6:3 esebimen jeńiske jetti.
Bul oıynnan keıin upaı sanyn 30-ǵa jetkizgen oraldyqtar chempıonattaǵy sońǵy kezdesýlerin 20-21 aqpanda óz aıdynynda «Nıkelşık» (Verhnıı Ýfaleı) komandasymen ótkizedi.
Eske sala keteıik, budan buryn «Aqjaıyqtyń» Oral dopty hokkeıiniń túlegi Oleg Chernov jattyqtyratyn «Maıak» komandasyn tize búktirgenin jazǵan bolatynbyz.
