Dopty hokkeı: «Aqjaıyq» «Maıak» komandasyn ekinshi ret oısyrata utty

ORAL. QazAqparat – Dopty hokkeıden Reseı chempıonatynyń joǵary lıgasynda oınaıtyn «Aqjaıyq» komandasy «Jastar» stadıonynda «Maıak» (Krasnotýrınsk) komandasymen ekinshi kezdesýin ótkizdi, dep habarlaıdy QazAqparat tilshisi.

Birinshi taımda Nıkolaı Shavaldınniń shákirtteri 5:1 esebimen alǵa ketti.

Ekinshi kezeńde sol basymdylyǵyn eseleı túsip, esepti 11:1-ge jetkizdi.

Bul matchta komandanyń surmergeni, reseılik Maksım Pahomov het-trıktiń avtory atandy. Sóıtip ol bıylǵy tórt oıynda 11 gol soǵyp úlgerdi.

Sondaı-aq búgin Oral dopty hokkeıiniń túlekteri Ershat Amangeldıev pen Petr Grıbanov eki retten mergendik tanytty. Samat Amanshın, Bolat Muhıt, Dáýren Oralov jáne taǵy bir reseılik Aleksandr Slýgın bir-birden gol soqty.

«Maıaktan» Mıhaıl Aleksandrov qana bir doppen kózge túse aldy.

Osy kezdesýden keıin 9 upaı jınaǵan «Aqjaıyq» úshinshi topta úshinshi orynǵa kóterildi.

Oraldyqtar kelesi básekelerin 21-22 qańtarda Orynbordyń «Lokomotıv» komandasymen ótkizedi.

Eske sala keteıik, budan buryn dopty hokkeıden «Aqjaıyqtyń» qarsylasyn iri eseppen utqanyn jazǵan bolatynbyz.

Foto: «Aqjaıyq» SK.