Dopty hokkeı: «Aqjaıyq» «Lokomotıvten» ekinshi oıynda jeńilip qaldy
ORAL. QazAqparat - Dopty hokkeıden Reseı chempıonaty joǵary lıgasynyń ekinshi tobynda óner kórsetetin Oraldyń «Aqjaıyǵy» búgin Orynborda «Lokomotıvpen» ekinshi kezdesýin ótkizdi, dep habarlaıdy «QazAqparat» HAA tilshisi.
Reseı dopty hokkeı federatsııasynyń saıtynan alynǵan málimetke qaraǵanda, batysqazaqstandyqtar birinshi taımda 5:3 esebimen alda turǵanymen, oıynnyń ekinshi kezeńinde sol basymdylyqty saqtap qala almady. Sóıtip 6:9 esebimen aıdyn ıelerine ese jiberdi.
Ekinshi topta 10 kezdesýden keıin sonshama upaımen ázirge besinshi orynda turǵan, reseılik maman Vladımır Kojevnıkov jattyqtyratyn oraldyqtar kelesi matchtaryn jańa jylda, 14-15 qańtar kúnderi óz aıdynynda dál osy «Lokomotıvpen» ótkizedi. Orynborlyqtar búgingi jeńisinen keıin 12 upaımen «Aqjaıyqtyń» aldyna shyqsa, altynshy, jetinshi oryndaǵy «Nıkelşık» (Verhnıı Ýfaleı) pen «Dınamo-Qazan-2» (Qazan) komandalarynyń qorjynynda sáıkesinshe 9 jáne 8 upaıy bolǵanymen, olardyń batysqazaqstandyqtarǵa qaraǵanda, eki oıyny kem. Demek, oraldyqtardy basyp ozýǵa múmkindikteri mol.
