Dopty hokkeı: «Aqjaıyq» kósh basyndaǵy «Maıakty» utty
ORAL. QazAqparat - Búgin dopty hokkeıden Reseı chempıonaty joǵary lıgasynda óner kórsetetin Oraldyń «Aqjaıyǵy» óz aıdynynda Krasnotýrınskiniń «Maıak» komandasyn qabyldap, 4:2 esebimen jeńiske jetti, dep habarlaıdy «QazAqparat» HAA tilshisi.
Bul oıynda komanda kapıtany Maksım Ótebalıev qos goldyń avtory atanyp, «Aqjaıyqty» alǵa jeteledi. Sondaı-aq reseılikter Evgenıı Sýkovın men Sergeı Gavrılov qonaqtar qaqpasyna bir-bir doptan engizdi.
Sóıtip reseılik maman Vladımır Kojevnıkov jattyqtyratyn oraldyqtar ekinshi topta kósh bastap kele jatqan komandany jeńip, 25 upaımen burynǵysha úshinshi orynda keledi.
Erteń qos komanda Oraldaǵy ekinshi kezdesýin ótkizedi.
«Joǵary lıgada ár topta aldyńǵy úsh oryndy ıelengen komandalar fınaldyq saıystarǵa joldama alady. Bıyl «Aqjaıyqtyń» óz tobynda alǵashqy úshtikke iligýine múmkindigi bar», dedi «QazAqparat» tilshisine «Aqjaıyq» sport klýbynyń dırektory Azamat Shaıhy.
