Dopty hokkeı: «Aqjaıyq» kósh basyndaǵy komandany utty

ORAL. QazAqparat – Dopty hokkeıden joǵary lıgakomandalary arasynda búkilreseılik jarysta Oraldyń «Aqjaıyǵy» «Znamıa-Ýdmýrtııa» (Votkınsk) komandasyn qabyldady, dep habarlaıdy QazAqparat tilshisi.

Bul oraldyq klýbtyń jańa maýsymdaǵy «Jastar» stadıonyndaǵy betashar oıyny edi.

Úshinshi topta buǵan deıin «Znamıa-Ýdmýrtııa» 8 oıynnan keıin 20 upaı jınap, kósh bastaǵan edi. Al 6 match ótkizgen «Aqjaıyq» 9 upaımen tórtinshi orynǵa túsip qalǵan bolatyn.

Birinshi taımda esep 1:1 bolǵan mezette oraldyq komandanyń surmergeni, reseılik Maksım Pahomov mergendik tanytty – 2:1.

Ekinshi kezeńde M.Pahomov esepti 3:1-ge jetkizdi. Sosyn 12 metrlik aıyp dobyn dál oryndady – 4:1. Budan keıin qonaqtar sapynan Dmıtrıı Salımov pen Vladımır Fedoseev esepti qysqartty – 3:4. Degenmen M.Pahomov penaltıden múlt ketken joq – 5:3. «Znamıa-Ýdmýrtııadan» D.Salımov mergendigimen kózge túskenimen, M.Pahomovtan pas alǵan

«Aqjaıyq» quramyndaǵy taǵy bir reseılik Aleksandr Slýgın esepti qaıta ulǵaıtty – 6:4. Sońǵy mınýtta M.Pahomov 12 metrlikten matchtyń núktesin qoıdy – 7:4.

Erteń qos komanda ekinshi kezdesýin ótkizedi.

Eske sala keteıik, budan buryn «Aqjaıyqtyń» tartysty matchta qarsylasyna ese jibergenin jazǵan bolatynbyz.