Dopty hokkeı: «Aqjaıyq» kósh basyndaǵy komandalardyń birin utty
ORAL. QazAqparat - Dopty hokkeıden Oraldyń «Aqjaıyǵy» óz aıdynyndaǵy kezekti jeńisine qol jetkizdi, dep habarlaıdy «QazAqparat» tilshisi.
Sporttyń osy túrinen joǵary lıga komandalary arasynda búkilreseılik jarysta óner kórsetetin oraldyqtar bul joly ekinshi topta kósh bastap kele jatqan komandanyń biri - «Maıakty» (Krasnotýrınsk) qabyldady.
Birinshi taımnan keıin reseılik maman Vladımır Kojevnıkov jattyqtyratyn oraldyqtar 4:0 esebimen alda turdy. Oıynnyń ekinshi kezeńinde qonaqtar basymdylyq tanytqanymen, «Aqjaıyq» báribir 5:3 esebimen jeńiske jetti. Oraldyqtardan reseılik legıoner Sergeı Panteev tórt goldyń avtory atansa, taǵy bir reseılik Aleksandr Chkalov ta dop soǵyp, kózge tústi.
Búgin qos komanda ekinshi kezdesýin ótkizedi.
Ekinshi topta «Znamıa-Ýdmýrtııa» (Votkınsk) komandasy 31 upaımen kósh bastasa, odan tórt upaıy kem «Maıak» ekinshi orynda keledi. Úzdik úshtikti ázirge 23 upaımen «Lokomotıv» (Orynbor) komandasy túıindep tur. Eki oıyndy kem ótkizgen oraldyqtardyń «Lokomotıvten» úsh-aq upaıy kem.
«Aqjaıyq» sport klýbynyń dırektory Azamat Shaıhynyń aıtýynsha, bıyl komandanyń aldyna fınaldyq saıystarǵa shyǵý mindeti qoıylǵan bolatyn. Bul saıystarǵa alǵashqy eki oryndy ıelengen komandalar mindetti túrde qatysady. Sonymen qatar basqa toptardaǵy jaǵdaılarǵa baılanysty úshinshi oryn alǵan komanda da joldama alýy múmkin. ıAǵnı joǵary oryn alsa da, sýperlıganyń qosalqy quramalary fınalǵa qatysa almaıdy. Sondyqtan «Aqjaıyq» fınaldan ázirge úmitin úze qoıǵan joq.
Eske sala keteıik, bıylǵy álem chempıonatyna qatysatyn Qazaqstan ulttyq quramasyna «Aqjaıyqtan» úsh birdeı oıynshy alynyp otyr.
