Dopty hokkeı: «Aqjaıyq» kósh bastaýshy komandany iri eseppen utty
ORAL. QazAqparat - Dopty hokkeıden joǵary lıga komandalary arasynda búkilreseılik jarysta «Aqjaıyq» óz aıdynynda «Znamıa-Ýdmýrtııany» (Votkınsk) qabyldady, dep habarlaıdy QazAqparat tilshisi.
«Znamıa-Ýdmýrtııa» ekinshi topta kósh bastap kele jatqan eki komandanyń biri edi.
Aıdyn ıeleriniń aıqyn basymdylyǵymen ótken matchta Nıkolaı Shavaldınniń shákirtteri 7:1 esebimen jeńiske jetti.
«Aqjaıyqtan» reseılik legıoner Maksım Pahomov tórt goldyń avtory atandy. Taǵy bir reseılik Sergeı Bashaev qarsylastar qaqpasyna eki gol engizdi. Petr Grıbanov ta aıdynnan qur ketken joq.
Qonaqtardan Denıs Slaýtın bir ǵana golmen jaýap qaıyra aldy.
Erteń komandalar ekinshi kezdesýin ótkizedi.
Eske sala keteıik, budan buryn «Aqjaıyqtyń» qazandyq komandany taǵy da iri eseppen utqandyǵyn jazǵan bolatynbyz.
